Шүдний гоо сайхны эмчилгээ буюу нүүрэвч гэдэг нь?
Урт хугацаа шаардагддаг шүдний гажиг заслын эмчилгээг бодвол хурдан хугацаанд шүдийг цайруулан зөв хэлбэржүүлдэг эмчилгээ юм. Тийм учраас түргэвчилсэн гажиг заслын эмчилгээ ч гэж нэрлэдэг. Шүдний өнгө өөрчлөгдөх, эмтрэх, шүдний эгнээний гажигтай (далийж мурийсан), шүд хоорондын завсар үүсэх зэрэг шүдний гоо сайхан алдагдахад хийдэг эмчилгээ юм. Уг эмчилгээ нь тухайн хүний шүд болон буйлны хэмжээг авч зөвхөн хувь хүнд тохирсон нүүрэвч хийдгээрээ онцлогтой.
- Үүдэн шүд хоорондын зай үүссэн тохиолдолд.
- Шүдний өнгө өөрчлөгдсөн болон шүдний эгнээний гажигтай тохиолдолд.
- Шүдний цайруулах эмчилгээ хийлгээд ч үр дүнд хүрч чадаагүй тохиодолд.
- Хурдан хугацаанд шүдний хэлбэрээ засахыг хүссэн тохиолдолд.
- Шүд гэмтэх болон эмтэрсэн тохиолдолд.
Шүдний гоо сайхны эмчилгээний явц
01
Рентгэн зураг авхуулж амны хөндийн үзлэг хийлгэх
Эхний удаад эмчилгээ хийлгэх явц болон гарах үр дүнгийн талаар эмчтэйгээ ярилцаж зөвлөгөө авна.
02
Шүдний хэв авах
Тухайн үйлчлүүлэгчийн шүдний хэвийг авч уг хэвэн дээр шинээр хийх шүдний загварыг гаргана.
03
Нүүрэвч хийх шүдийг засаж бэлдэ
Хэв авсан нүүрэвчийг наахын тулд шүдийг засаж янзлах хэрэгтэй болдог. Эхний ээлжинд түр нүүрэвчийг зассан шүдэнд наадаг. Шүдийг засах үед сувгийн эмчилгээ хийх шаарлага гарвал эмчилгээг хийж гүйцэтгэсэний дараа түр нүүрэвчийг наадаг.
04
Байнгийн нүүрэвч наах
Эцэст нь лабораторид бэлтгэгдэж бэлэн болсон нүүрэвчийг таны шүдэнд наадаг.
- Хатуу болон наалдамхай зүйл идэхгүй байх.
- Хэт хүйтэн болон халуун хоол идэхгүй байх.
- Шүдний эмнэлэгээс зааварласан зааврын дагуу арчилгаа хийснээр нүүрэвчийг удаан хадгална.
- Амны хөндийн ариун цэврийг сайн мөрдөж жилд 1-2 удаа үзлэгт орж шүдний чулуу түүлгэж хэвших.
